Últimos vídeos - Quin.tv

O día 1 non pode quedar ninguén na casa

Fri, 27 Feb 2009 20:31:24 +0100

Estamos a piques de conseguir un resultado histórico para o BNG, pero o próximo goberno deste país vaise decidir por moi poucos votos. É necesario o voto masivo, e dende aquí vos pido que mobilicedes a toda a vosa xente para que entre todos o día 2 poidamos avanzar no cambio que a xente deste país demostrou que quere. Nós tamén queremos máis, e desta vez podémolo conseguir.

No barrio do Calvario de Vigo

Fri, 27 Feb 2009 15:02:59 +0100

No penúltimo día da campaña electoral estivemos repartindo propaganda no barrio do Calvario de Vigo, un momento moi importante para min porque foi ese barrio onde me criei coa miña familia. Puidemos sentir a calor da xente que pasaba por alí e pedirlles un último empurrón de apoio para o BNG no próximo 1 de marzo.

Encontro con novas e novos creadores

Thu, 26 Feb 2009 22:46:16 +0100

O talento e a ambición creativa son dúas cualidades que nunca lle faltaron a este país nin á nosa mocidade, por máis que o PP fixese o posíbel por ocultalas mentres gobernou. Estivemos en Santiago con varios centos de creadores e creadoras novas para presentar os nosos proxectos en canto a promoción, formación e difusión do noso talento na vindeira lexislatura.

Visita á Torre de Hércules

Thu, 26 Feb 2009 01:17:07 +0100

Cos compañeiros da Coruña visitei a Torre de Hércules, todo un exemplo do que supón nas políticas do BNG a preocupación polo noso patrimonio, e un símbolo do que é Galiza no mundo: un país volcado ao mar. Non queremos ser un país calquera e o faro é un símbolo un símbolo do país que queremos ser, a avanzada en Europa nun inmenso mar de liberdade.

Feijoo está a facer a campaña máis suxa que se recorda

Wed, 25 Feb 2009 18:40:42 +0100

A mentira, a difamación, e agora tamén os paparazzi son as armas que está a utilizar o señor Núñez Feijoo nesta campaña, a máis suxa e rastreira das que se recordan. Por inventar ata inventan accidentes de tráfico. Non sei ata onde quere chegar o PPdeG antes do 1 de marzo, o que está claro é que Feijoo é demasiado covarde para querer defender esas mentiras debatendo. E con, todo, non nos van tumbar. Esta política de difamacións terá o seu xusto castigo o vindeiro domingo nas urnas.

O reggaetón de Quintana

Mon, 23 Feb 2009 21:32:09 +0100

Un videoclip coa actividade de Quintana nos últimos meses a ritmo de reggaetón...

Queremos máis avances en Vivenda

Mon, 23 Feb 2009 21:20:13 +0100

Fomos ata Lugo para visitar unha das vivendas que a nosa Consellaría rehabilitou na zona da Tinería para poñelas en aluguer para as rendas máis baixas. Alí comentei con Lucía, María e os fillos desta os problemas que ten a xente máis nova para acceder a unha vivenda, e espuxen as propostas do BNG para que haxa máis avances na vindeira lexislatura. Entre eles, a creación dun fondo social de vivenda e dun observatorio galego do sector.

Debate coa cidadanía (e III)

Mon, 23 Feb 2009 00:19:33 +0100

Terceira e última parte do debate con cidadáns da Coruña, onde falamos entre outras cousas dos coidados paliativos, do Estatuto de Nación, da Lei de Normalización lingüística e da Lei da Dependencia.

Debate coa cidadanía (II)

Sun, 22 Feb 2009 02:26:40 +0100

Segunda parte do encontro que mantiven con cidadáns coruñeses. Neste caso preguntáronme pola inmigración e a venda ambulante, pola vivenda protexida, pola discapacidade e o paro, polo botellón e polas pensións da xente viúva.

Debate coa cidadanía (I)

Sat, 21 Feb 2009 12:38:27 +0100

Ante a negativa do candidato do Partido Popular de asistir ao debate convocado pola TVG, nós si celebramos ese mesmo día un debate cos cidadáns onde me puideron preguntar todo aquilo que lles preocupaba. Este é o primeiro fragmento dese debate, no que se falou do Plan de Boloña e das universidades, do imposto de sucesións e dos salarios dos cargos políticos.